25 noyabr 2018- ci il tarixində, F.Köçərli adına Respublika Uşaq Kitabxanasında İSMA məktəbinin şagirdləri qonaq oldu. Uzun müddətdən bəri kitabxananı görmək arzusunda olan şagirdlər böyük sevinclə kitabxanaya ekskursiya etdilər. Əməkdaşlar şagirdləri kitabxananın bütün şöbələri ilə tanış etdikdən  sonra, İSMA məktəbinin proqramı ilə Sürətli oxuma kursunu keçən uşaqların mükafatlandırma mərasimi keçirildi.  İki yaş qrupu üzrə 20 uşağın iştirak etdiyi sürətli oxuma üzrə yarışmanın birinci mərhələsində maraqlı tapşırıqlar yerinə yetirildi. Qaliblər diplom və hədiyyələrlə mükafatlandırıldı. Sonda, şagirdlərə kitabxana tərəfindən təsis etdiyi “Göy Qurşağı” uşaq jurnalı təqdim olundu.