27 dekabr  Azərbaycan Milli kitabxanasında, Mədəniyyət Nzairliyinin dəstəyi ilə F.Köçərli adına Respublika Uşaq Kitabxanası tərəfindən hazırlanan “Uşaq ədəbiyyatı xəzinəsi” sersiyasından çap olunan Azərbaycan uşaq ədəbiyyatının görkəmli nümayəndəsi, tanınmış şair Mikayıl Rzaquluzadənin həyat və yaradıcılığına həsr olunan “Mikayıl  Rzaqulizadə Biblioqrafiya” kitabı və “Mikayıl Rzaquluzadə” elektron məlumat bazasının təqdimat mərasimi keçirildi. Ədibin ədəbi-ictimai fəaliyyətini tam şəkildə əks etdirən 240 səhifəlik biblioqrafik göstəricidə 1923-2018 cı illərdə dərc olunan materiallar əks olunub mumilikdə göstəriciyə 1121 adda mənbə və 477 adda arxiv materialları daxil edilmişdir. Göstərici 4 hissədən ibarətdir:

I hissə - Mikayıl Rzaquluzadənin əsərləri;

II hissə - Mikayıl Rzaquluzadə haqqında;

III hissə - Rus dilində;

IV hissə - Köməkçi göstəricilər;

Mikayıl Manaf oğlu Rzaquluzadə çağdaş Azərbaycan ədəbiyyatında şair, nasir, ədəbiyyatşünas, dünya klassikasının kamil tərcüməçisi və nəhayət uşaq ədəbiyyatının yaradıcısı kimi tanınmış 60 illik ardıcıl ədəbi fəaliyyəti dövründə zəngin bir irs qoyub getmişdir. Göstəricinin ön sözünün müəllifi filologiya elmləri doktoru, professor Zahid Xəlil, rəyçi fil.elm. namizədi, dosent İradə Rəhmanova, ix. Red. əməkdar mədəniyyət işçisi Şəhla Qəmbərova, tərt. Nazilə Tahirova, Leyla Qafarova, Tünzalə Əzizovadır. Tədbirdə, filol. elm. dok, prof. Rafiq Yusifoğlu, fil.üzrə fəlsəfə dok. dosent Füzuli Əsgərli, Yazıçılar Birliyinin Uşaq ədəbiyyatı şöbəsinin müdiri, yazıçı Qəşəm Nəcəfzadə, uşaq yazarlarından Sevinc Nuruqızı, Reyhan Yusifqızı, Solmaz Amanova və bir çox qonaqlar və KİV nümayəndələri iştirak edirdi. Kitab, alimlər, tədqiqatçılar, kitabxanaçı biblioqraf və geniş oxucu kütləsi üçün nəzərdə tutulub.