Oktyabrın 30-da, F.Köçərli adına Respublika Uşaq Kitabxanasının 1 saylı filialının əməkdaşları, Binəqədi Rayonu Namiq Babayev adına 144 nömrəli tam orta məktəbdə Böyük Azərbaycan şairi İmadəddin Nəsiminin 650 illik yubileyi münasibəti ilə tədbir keçirdi. Tədbirdə 144 nömrəli məktəbin şagirdləri ilə yanaşı, 157 və 267 nömrəli məktəblərin şagirdləri iştirak edirdilər. Məktəbin direktoru qonaqları salamlayıb, Nəsimi irsinin Azərbaycan xalqının mənəviyyat xəzinəsində layiqli yer tutması barəsində şagirdləri məlumatlandırdı. Uşaqlar şairin yaradıcılığını əks etdirən filmə baxdılar, səhnəciklər göstərdilər, şeirlər söylədilər.