Yanvarın 22-də Firidun bəy Köçərli adına Respublika Uşaq Kitabxanasının 1 saylı filialının əməkdaşları Binəqədi rayonu N. Babayev adına 144 nömrəli tam orta məktəbin şagirdləri ilə “20 Yanvar- Qanlı Yanvar” başlığı altında tədbir keçirdilər. Tədbir şəhidlərin ruhunun bir dəqiqəlik sükutla yad edilməsi ilə başlandı. Şagirdlər 20 yanvara həsr olunmuş şeirlər söylədilər, mahnı ifa etdilər. Tədbirdə iştirak edən yazıçı Oktay Zəngilanlı, Həkəri qəzetinin baş redaktoru Rauf İlyasoğlu və uşaq yazarlarından Gülzar İbrahimova çıxışlarında belə tədbirlərin keçirilməsinin uşaqlarda vətənpərvərlik hissinin aşılanmasında böyük rol oynadığını qeyd etdilər.