Fevralın 21-də F.Köçərli adına Respublika Uşaq Kitabxanasında Sabunçu rayonundakı 215 saylı tam orta məktəbin 6-cı sinif şagirdləri ilə Beynəlxalq Ana Dili Günü münasibəti ilə “Doğma dilim-ana dilim” adlı tədbir keçirildi. Tədbir Dövlət Himninin səslənməsi ilə başladı. Tədbirdə qeyd olundu ki, ana dilimizin milli statusunun özünə qaytarılması ümummilli lider Heydər Əliyevin adı ilə bağlıdır. Bu mənada onun 2001- ci il 9 avqust tarixində, imzaladığı fərmana əsasən hər il avqustun 1-i Azərbaycan Respublikasında “Ana- dili və Azərbaycanın Əlifbası” günü kimi qeyd edilir. “Ana dilimizi qoruyaq və sevək” devizi altında keçirilən tədbirdə məktəbin 6- cı sinif şagirdləri və müəllimləri iştirak edirdi. Tədbirdə, ana dilinə həsr olunmuş şeirlər söylənildi, dilimizin yad təsirlərdən qorunmasına aid səhnəciklər göstərildi, şagirdlərin ifasında dilimizə həsr olunmuş mahnılar səsləndi və rəqslər ifa olundu. İştirak edən valideynlər tədbirin yüksək səviyyədə təşkil olunmasında və şagirdlərin gözəl çıxışlarında xüsusi əməyi olan kitabxana əməkdaşlarına öz minnətdarlıqlarını bildirdilər.