İyulun 25-də “Sübhan Tərəqiyyə Doğru” İctimai Birliyinin və F.Köçərli adına Respublika Uşaq Kitabxanasının birgə təşkilatçılığı ilə B.E.Eyvazov adına Elmi Tədqiqat Hematologiya və Transfuziologiya İnstitutunda hemofiliyalı xəstələri ziyarət edərək körpə balalar üçün “Gələcəyə inamla” adlı xeyriyyə tədbiri keçirildi.Tədbirdə söz alan Kitabxananın direktor müavini, Əməkdar mədəniyyət işçisi Zahirə Dadaşova və digər əməkdaşlar uşaqlar üçün səyyar kitabxana təşkil edərək onlara nağıl saatı bəxş etmiş,bir-birindən maraqlı viktorinalar keçirmiş və hər bir uşağa kitablar, “Göy qurşağı” uşaq jurnalı hədiyyə etmişlər.İctimai Birlik tərəfindən, valideynlərə uşaqları üçün gələcəkdə peşəyönümü istiqamətində metodik tövsiyyələr verilmişdir.Tədbirdə “Təbəssüm” studiyasının üzvlərinin və gənc tar ifaçısı Asim Primovun ifasında musiqili proqram təqdim olundu.Təşkil olunan xeyriyyə tədbirinin əsas məqsədi gələcəyimiz olan uşaqlara dəstək olmaqdır.Qoy həmişə onların həyatında günəş olsun.