Noyabrın 21-də, Nərimanov rayonunda yerləşən "Montessori" Azərbaycan Uşaq Bağçasının balaca fidanları F.Köçərli adına Respublika Uşaq Kitabxanasına ekskursiya etdilər.  Kitabxananın əməkdaşı uşaqları kitabxana ilə tanış etdi, kitabxanada təşkil olunmuş kitab sərgiləri, elektron kitabxana ilə bağlı məlumat verdi. Uşaqlar kitabxananın bütün şöbələrində oldular, kitabların kitabxana qaydası ilə işlənməsi, oxuculara verilməsi işi ilə bağlı informasiya əldə etdilər. Uşaqlar, nağıl otağında Azərbaycan nağıllarını dinlədilər, müasir nağıllarımızı müzakirə etdilər. Kiçik oxu zalında danışan, səsli, gözdən əlillər üçün çap olunmuş brayl şriftli kitablarla, disklər, pazllar və s. tanış oldular. Balacalar kitabxanadan şən əhval- ruhiyyə ilə ayrıldılar.