Firidun bəy Köçərli adına Respublika Uşaq Kitabxanası koronavirus (COVİD-19) infeksiyası ilə əlaqədar ölkə ərazisində tətbiq olunmuş xüsusi karantin rejimi günlərində oxucularını sevindirməyə davam edir. Respublika Uşaq Kitabxanası biri-birini əvəzləyən səmərəli layihələri həyata keçirərək uşaqlara dəstək olur. Kitabxana "Evdə qal, intellektdən qalma" ailəvi onlayn viktorina müsabiqəsi elan edir. Viktorinanın keçirilməsində əsas məqsəd, “birlikdə düşünək, birlikdə tapaq” devizi ilə valideynlərin övladları ilə evdə qaldıqları müddətdə suallara birgə cavab tapmasıdır.