F.Köçərli adına Respublika Uşaq kitabxanası “Zərərli Vərdişlərə Qarşı” İctimai Birliyinin 15 iyul- 15 oktyabr 2020- ci il tarixlərində həyata keçirdiyi “Asılı olma azad ol” layihəsinə dəstək oldu.

Layihənin məqsədi, yeniyetmə və gənclərin zərərli vərdişlərə meyilliliyinin qarşısını almaq üçün onlara narkotik maddələrin, siqaretdən istifadənin və alkoqollu içkilərin insanın ruh və bədən sağlamlığına vurduğu zərərləri elmi əsaslarla izah etmək və cəmiyyətdə sağlam həyat tərzini təbliğ etməkdir.

Qeyd edək ki, layihə çərçivəsində yeniyetmə və gənclərin maarifləndirilməsi üçün  “Siqaretdən uzaq dur” adlı kitabçalar nəşr olunub.

“Zərərli Vərdişlərə Qarşı” İctimai Birlik tərəfindən nəşr olunan “Siqaretdən uzaq dur” adlı kitabçalar Respublika Uşaq kitabxanasına hədiyyə edildi.

Eləcə də, Respublika Uşaq kitabxanası hədiyyə edilən 550 ədəd kitabça və bukletlərin respublikada fəaliyyət göstərən uşaq kitabxanalarına göndərilməsini təmin etməklə layihəyə dəstəyini göstərəcək.