27 sentyabr 2020-ci il tarixindən başlayaraq Azərbaycan Respublikasının Prezidenti, Ali Baş Komandan cənab İlham Əliyevin əmri və bilavasitə rəhbərliyi ilə erməni qəsbkarlarının hücumlarına cavab olaraq şanlı Azərbaycan ordusu işğal olunmuş ərazilərimizdə əks-hücum əməliyyatları həyata keçirdi. Şanlı Azərbaycan ordusunun böyük şücaət və xüsusi peşəkarlıqla həyata keçirdiyi döyüş əməliyyatları nəticəsində düşmən tapdağı altında qalmış tarixi Azərbaycan torpaqları işğaldan azad edilmişdir. Hazırda üçrəngli Azərbaycan bayrağı azad olunmuş həmin doğma ərazilərimizdə qürurla dalğalanmaqdadır. 

Xocavənd də işğaldan azad olunmuş Azərbaycan rayonlarından biridir.

Xocavənd rayonunun ərazisi Azərbaycan tarixinin başlanğıcının formalaşdığı bölgələrdən biridir. Ölkənin dünya əhəmiyyətli arxeoloji abidələrindən Azıx və Tağlar mağaraları bu ərazidə yerləşir. Rayon ərazisində ölkə və yerli əhəmiyyətli yüzə yaxın tarixi abidə qeydə alınıb, əslində isə onların sayı daha çoxdur. Həmin abidələrin növlər üzrə təsnifatından aydın olur ki, onların sırasında məbədlər, məscidlər, qalalar əsas yer tutur. Xocavənd abidələrinin xronologiyası Azərbaycanın tarixi memarlığının özünəməxsus xüsusiyyətlərini müəyyən etməyə imkan verir. 

Bütün bunları nəzərə alaraq Firidun bəy Köçərli adına Respublika Uşaq kitabxanasının Ölkəşünaslıq və milli ədəbiyyatın təbliği şöbəsi “Azıx mağarası” adlı tövsiyə biblioqrafiyası hazırlamışdır.

Geniş oxucu kütləsi üçün nəzərdə tutulan göstərici tövsiyə olunan ədəbiyyat siyahısından ibarətdir. Girişdə mövzu haqqında ətraflı məlumat verilmişdir.

Tövsiyə göstəricisində kitablar, məcmuə və dövri mətbuat səhifələrində dərc edilmiş materiallar öz əksini tapmışdır.Vəsaitdə verilmiş ədəbiyyatların  tam mətni ilə tanış olmaq üçün 43 kitab, məcmuə və dövri  mətbuat səhifələrində dərc edilmiş materialların linki də verilmişdir.

Tövsiyə göstəricisi ilə aşağıdakı linkdən tanış ola bilərsiniz.

https://clb.az/arxiv2021/fzulinin-tarixi-abidlri-azx-maaras_d3119.html