Firudin bəy Köçərli adına Respublika Uşaq Kitabxanasında "Beynəlxalq Məktəb Kitabxanaları Günü" münasibətilə "UNEC Könüllüləri" Təşkilatının və 3 saylı Bakı "ASAN xidmət" mərkəzinin könüllülərinin iştirakı ilə görüş keçirildi.

Görüşdə kitabxananın direktoru, Əməkdar mədəniyyət işçisi Şəhla Qəmbərova Kitabxana və kitabxananın fəaliyyəti haqqında könüllülərə geniş məlumat verdi, daha sonra kitabxananın internet ünvanındakı  yeniliklər və istifadəsi ilə bağlı könüllüləri məlumatlandırdı. Sonra isə könüllülər kitabxanın fəaliyyəti ilə  yaxından tanış oldular və gün ərzində kitabxanada oxuculara könüllü xidmət göstərdilər. Fəaliyyət könüllülər və oxucular tərəfindən böyük maraqla qarşılandı.