F. Köçərli adına Respublika Uşaq Kitabxanasının təçkilatçılığı ilə  “Uşaq ədəbiyyatı xəzinəsi” seriyasından Azərbaycan uşaq ədəbiyyatının əvəzolunmaz simalarından biri  tanınmış şair-dramaturq Xanımana Əlibəylinin biblioqrafiya kitabı nəşr olunub. 

Azərbaycan uşaq ədəbiyyatının görkəmli nümayəndəsi, Respublikanın “Əməkdar incəsənət xadimi” tanınmış şairə Xanımana Əlibəylinin həyat və yaradıcılığına həsr olunmuş biblioqrafiyada görkəmli şairənin qələmə aldığı bütün əsərləri və onun haqqında yazılan materiallar öz əksini tapmışdır. Ədibin ədəbi-ictimai fəaliyyətini tam şəkildə əks etdirən bu fundamental biblioqrafik göstərici 1936-2020-ci illərdə dərc olunmuş materialları əhatə edir. Göstərici 4 hissədən ibarətdir: I hissə - Xanımana Əlibəylinin əsərləri; II hissə - Xanımana Əlibəyli haqqında; III hissə - Xarici dillərdə; IV hissə - Köməkçi göstəricilər. Göstəricidə həmçinin şairənin Azərbaycan Respublikası Dövlət Ədəbiyyat və İncəsənət Arxivində toplanan və qorunan şəxsi arxiv materialları da öz əksini tapmışdır

Göstərici ədəbiyyatşünas alimlər, tədqiqatçılar, kitabxanaçı-biblioqraflar və geniş oxucu kütləsi üçün nəzərdə tutulmuşdur.