21 fevral tarixində Qubadlı rayon Əliyar Əliyev adına Qəziyyan kənd tam orta məktəbində  F.Köçərli adına Respublika Uşaq Kitabxanasının 3 saylı filialı ilə birlikdə “Beynəlxalq Ana dili Günü” münasibətilə “Ana sözü Vətən sözüdür” adlı tədbir keçirildi. Tədbirdə müəllim kollektivi və şagirdlər iştirak etdilər. Məktəbin direktoru İmanova Yeganə və Azərbaycan dili-Ədəbiyyat müəllimi Həmzəyeva Təranə çıxış etdilər. Şagirdlərin ifasında şairlərin Ana dili haqqında şeirləri səsləndi. E.Sabitoğlunun “Şirin dil”, «Azərbaycan» mahnıları ifa olundu. S.Vurğunun “Vaqif”əsərindən bir parça təqdim olundu. Tədbirin sonunda kitabxanaçılar tərəfindən şagirdlərə kitab və jurnallar hədiyyə verildi.