3 mart 2022-ci il tarixində Respublika uşaq kitabxanasında “Luç” Ədəbi-Bədii Birliyinin  üzvü, gənc yazar Lalə Ümid ilə Nizami r-nu 229  №-li məktəbin rus bölməsinin 5-ci sinif şagirdləri ilə görüşü oldu. 

Tədbiri giriş sözü ilə açan kitabxananın direktoru gələn qonaqları salamladı və “Luç” Ədəbi-Bədii  Birliyi haqqında  ətraflı  məlumat  vermək  üçün  sözü  Lalə xanım  Ümida verdi. Lalə  Ümid “Luç” Ədəbi-Bədii Birliyi haqqında geniş məlumat  verərək   bildirdi ki,  Birlik rus dilində yazıb-yaradan gənc ədəbiyyatçıları bir araya gətirir. Gənc yazarlar burada tədbir və müzakirələr keçirirlər.  Belə tədbirlərin keçirilməsi  gənclərin maariflənməsində, gənc yazarların tanıdılmasında böyük  rol oynayır. 

Sonra gənc yazar  yeni nəşr edilən “Sevgi  dərsləri”  və  “Kirpiciklə Şirinciyin qeyri-adi macəraları”  kitablarından parçalar səsləndirdi.  Sonda  gənc yazar uşaqların maraqlı   suallarını cavablandırdıqdan sonra  yeni nəşr edilən “Урок любви” (“Sevgi dərsləri”), “Сказочные приключения” və digər kitablarını  kitabxanaya  hədiyyə etdi.