18 oktyabr 2022 - ci il tarixində F.Köçərli adına Respublika Uşaq kitabxanasının 3 saylı filialı Binəqədi rayonu H.Cəbrayılov adına 99 nömrəli tam orta məktəbdə "Müstəqilliyimiz əbədidir, dönməzdir" adlı tədbir keçirdi. Tədbirdə geniş tərtibatlı kitab sərgisi təşkil olunmuşdu. Tədbir Azərbaycan Respublikasının Dövlət Himninin səslənməsi ilə başladı. Məktəbin tarix müəllimi müstəqilliyimizə gedən yolun çətinliklərindən danışdı. Ümummilli lider Heydər Əliyevin çıxışlarından ibarət hazırlanmış slaydın təqdimatından sonra şagirdlərin ifasında Bəxtiyar Vahabzadənin "Bayrağım", Süleyman Rüstəmin "Azərbaycan" şeirləri səsləndirildi, eyni zamanda "Qarabağ" mahnısı ifa olundu. Yuxarı sinif şagirdləri ədəbi bədii kompozisiya ilə çıxış etdilər. Tədbirin sonunda məktəbin xoru "Yaşa, mənim xalqım!" mahnısını ifa etdi.