1 mart 2022-ci il tarixində Beynəlxalq Muğam Mərkəzində Azərbaycan Respublikası Mədəniyyət Nazirliyinin dəstəyi və Respublika Uşaq Kitabxanasının təşkilatçılığı ilə “Həyata kitabla addımla” adlı tədbir keçirildi. Tədbirin keçirilməsində əsas məqsəd uşaq ədəbiyyatına olan marağı artırmaq, uşaqları mütaliyəyə cəlb etmək, həmçinin oxu və mütaliəyə vərdişlərinin bədii təfəkkürün inkişafında rolunu artırmaqdır. Tədbirdə iştirak edən Azərbaycanın ərazi bütövlüyü üğrunda canlarından keçmiş şəhidlərin övladlarına kitablar hədiyyə olunub. Tədbir 3 nömrəli Uşaq-Gənclər İnkişaf Mərkəzinin uşaqlarının ifasında dünya ədəbiyyatından nağıl qəhrəmanlarının kompozisiyası və konsert proqramı ilə davam etdi. Tədbirdən sonra bütün uşaqlara 1400 yaxın kitab hədiyyə edildi, həmçinin “Ulduz” şokolad fabrikinin hədiyyələri uşaqları sevindirdi.

Tədbirin sonunda kitabxananın direktoru Şəhla Qəmbərova çıxışında qeyd etdi ki,əziz övladlar sizin hər biriniz millətimizin, xalqımızın qürur, əyilməzlik simvolu olan şəhidlərimizin yadıgarlarısınınz. Siz bütün həyatınız boyu qəhrəman valdeyinlərinizlə fəxr etməyə, qürur duymağa layiq şəxsiyyətlərsiniz. Gələcəyimizin sizin timsalınızda intelektual gücə böyük ehtiyacı var. Bunun üçün əziz uşaqlar siz dövrün, zamanın çağrışlarına uyğun elm öyrənməli inkişafınıza təkan olan amillərə xüsusi diqqət yetirməlisiniz. Məhz buna görədir ki, bu günkü tədbirimiz “Həyata kitabla addımla” adlanır. Çox istərdim ki, gələcəyimiz olan siz uşaqlar bu günün məhsuliyyətini düzgün başa düşüb özünüzü gələcəyə hazırlayasınız. Bu isə kitabsız, mütaliəsiz mümkün deyil.

Sonra şıxış edən digər qonaqlar Müdafiə Nazirliyinin İctimaiyyətlə əlaqələr şöbəsinin rəisi polkovnik Elvin Əziziov və Azərbaycan Naşirlər Birliyinin sədri Şəmil Sadiq çıxışlarında qeyd etdilər ki, məhz belə tədbirlərin keçirilməsi ən yüksək insani keyfiyyətlərin gələcək nəsillərə təlqin edilməsi üçün gözəl fürsətddir. Çünki, belə yüksək insani keyfiyyətlər bizi bir daha birləşdirir, birliyimizlə, həmrəyliyimizlə layiqli övladlar yetişdirməyə sövq edir.

Tədbirdə Mədəniyyət Nazirliyindən, Ailə Qadın və Uşaq Problemləri Komitəsindən, Bakı şəhər Baş Təsil İdarəsindən, MİMTA-dan, müxtəlif nəşriyyatlardan, Gəncliyə Yardım Fondundan və digər təşkilatlardan qonaqlar iştirak etdilər.

Tədbir sonda xatirə şəkillərinin çəkilməsi ilə başa çatdı.