27 fevral 2022-ci il tarixində uşaq və yeniyetmələrin mənəvi tərbiyəsi və intellektual inkişafında böyük rol oynayan kitaba, mütaliəyə olan marağı artırmaq məqsədilə Xırdalan şəhər 2 nömrəli və M.Rahim adına 7 nömrəli tam orta məktəbin şagirdləri F.Köçərli adına Respublika Uşaq Kitabxanasında oldular. Kitabxananın əməkdaşı uşaqları kitabxana ilə tanış etdi, kitabxanada təşkil olunmuş kitab sərgiləri, elektron kitabxana ilə bağlı ətraflı məlumat verdi. 

Şagirdlər kitabxanada  təşkil olunan Nağıl saatının növbəti qonağı, sevimli uşaq yazarı Gülzar İbrahimova ilə görüşdülər. 

Gülzar İbrahimova uşaqlarla görüşdə “Tülkü balası”, “Mən daha böyüyəm”, “Dəniz balası” nağılları, “Göydə neçə ulduz var?” şeir  və tapmacaları səsləndirdi, yeni kitablar haqqında məlumat verdi. Həmçinin,  uşaqların bir çox maraqlı suallarını cavablandırdı. Sonda yazar hər iki məktəbin kitabxanasına müəllifi olduğu kitabları hədiyyə etdi. Görüş xatirə şəkillərinin çəkilişi ilə başa çatdı.