F.Köçərli adına Respublika Uşaq Kitabxanasının 3 saylı filialının və H.Cəbrayılov adına 99 saylı tam orta məktəbin birgə əməkdaşlığı çərçivəsində "Salam Şuşa" adlı tədbir keçirildi. Tədbirdə kitabxana əməkdaşları, şagirdlər və müəllimlər iştirak etdilər. Məktəbin zalında kitab sərgisi, foyedə isə rəsm müəllimi Şəhla İmaməliyevanın əl işlərindən ibarət 44 günlük Vətən müharibəsinin qəhrəmanlarının portretləri sərgilənmişdi. Tədbir Azərbaycan Respublikasının Dövlət Himninin səslənməsi ilə başladı. Məktəbin direktoru Ofeliya Məmmədova Şuşanın tarixi, mədəniyyəti  və ədəbiyyatı  haqqında ətraflı və geniş məlumat verdi. Məktəbin şagirdlərinin təqdimatında “Şuşa” kompozisiyası, “Şuşanın dagları” mahnısı və M.Yaqubun “Şuşa” şeiri səsləndirildi. Tədbirdə Xarıbülbül festivalından video çarx göstərildi. Sonda isə “Qarabağ” şikəstəsi səsləndirildi. Tədbir xatirə şəkillərinin çəkilişi ilə sona çatdı.