“Trio” Tədris incəsənət və idman mərkəzinin fidanları F.Köçərli adına Respublika Uşaq Kitabxanasına ekskursiya etdilər
11-01-2022 17:17:00
Yanvarın 11-də, “Trio” Tədris incəsənət və idman mərkəzinin balaca fidanları F.Köçərli adına Respublika Uşaq Kitabxanasına ekskursiya etdilər. Kitabxananın əməkdaşı uşaqları kitabxana ilə tanış etdi. Balacalar kitabxananın qaydaları ilə tanış oldular, kitabla düzgün davranmağı öyrəndilər. Uşaqlar Nağıl otağında Azərbaycan nağıllarını dinlədilər, maraqlı tapmacalara cavab verdilər. Kiçik oxu zalında danışan, səsli və rəngərəng kitablarla tanış oldular və cizgi filmlərinə baxdılar. Balacalar kitabxanadan şən əhval - ruhiyyə ilə ayrıldılar.
