29 noyabr tarixində Bakıdakı Xabad-Or Avner yəhudi məktəbinin müəllim və şagird heyəti  F.Köçərli adına Respublika Uşaq Kitabxanasında oldular. Şagirdlərə Azərbaycan Respublikası Prezidentinin 29 dekabr 2021-ci il tarixli sərəncamına  əsasən  İrəvan Müəllimlər Seminariyasının yaranmasının 140 illiyi ilə əlaqədar olaraq 1885-1895-ci illərdə seminariyada müəllimlik etmiş maarifçi, pedaqoq, uşaq folklor antalogiyasının banisi Firidun bəy Köçərlinin həyat və yaradıcılığı haqqında ətraflı məlumat verildi.Tədbirin davamında uşaqlar kitabxananın clb.az internet ünvanı və yeni kitablar ilə yaxından tanış oldular, elektron kitablar və səsli dərslikləri maraqla izlədilər. 

Tədbirin sonunda Respublika Uşaq Kitabxanası və Xabad-Or Avner  yəhudi məktəbinin

Kitabxanası arasında dostluğu və səmimiyyəti möhkəmləndirmək üçün qarşılıqlı kitab mübadiləsi  baş tutdu. Belə ki, Xabad-Or Avner  yəhudi məktəbi tərəfindən Respublika Uşaq Kitabxanasının fonduna  yəhudi müəllifinin 5 adda rus dilində uşaq ədəbiyyatı hədiyyə edildi. Xabad-Or Avner  yəhudi məktəbinin kitabxanasına isə F.Köçərli adına Respublika Uşaq Kitabxanası tərəfindən  Raziyyə Rəhimzadənin  “Zəfəran qəsəbəsinin əhvalatları”  uşaq ədəbiyyatı və  “Göy qurşağı” uşaq  jurnalı hədiyyə edildi. Tədbir xatirə şəkillərinin  çəkilməsi ilə sona yetdi.