13 noyabr tarixində H.Əliyev Mərkəzində Azərbaycan Respublikası Mədəniyyət Nazirliyi, Elm və Təhsil Nazirliyinin birgə təşkilatçılığı ilə keçirilən Uşaq İncəsənət  Festivalının (UİF) mükafatlandırma mərasimi baş tutub. Tədbir Ümummilli lider Heydər Əliyevin anadan olmasının 100 illiyinə həsr olunmuşdur. Mükafatlandırma mərasimində Firidun bəy Köçərli adına Respublika Uşaq Kitabxanası xüsusi stend və uşaq yazarlarının təqdimatı ilə iştirak edib. Tədbir çərçivəsində Respublika Uşaq Kitabxanası tərəfindən  uşaq yazarlarından Solmaz Amanova, Günel Əsgərova, Gülzar İbrahimova ilə mütaliə saatlarının təşkili, İnteraktiv oyunların, uşaqlar  arasında “Biləyən” adlı müsabiqənin, müxtəlif nağıl qəhrəmanlarının özün rənglə müsabiqəsi, uşaqlar arasında komanda yarışlarının keçirilməsi təşkil edilmişdir. Qaliblərə “Göy qurşağı” uşaq jurnalı hədiyyə edilib.