F.Köçərli adına Respublika Uşaq Kitabxanasının  Elmi-metodika şöbəsi tərəfindən Məhsəti Gəncəvinin  910 illik yubileyi münasibətilə hazırlanan  Şərq ədəbiyyatının incisi Məhsəti Gəncəvi - adlı metodik vəsait virtual rejimdə istifadəçilər üçün təqdim edilib.

Şərq ədəbiyyatının incisi Məhsəti Gəncəvi – adlı metodik vəsaitin əvvəlində görkəmli şəxslərin Azərbaycan və müsəlman intibahının parlaq nümayəndəsi və yeni şəhər poeziyasının təmsilçisi M.Gəncəvi haqqında fikirləri yer alıb. Metodik vəsaitin  I hissəsi M.Gəncəvinin həyat və yaradıcılığından bəhs edir. II hissədə isə metodik köməklik məqsədilə böyük Azərbaycan şairəsi  M.Gəncəvinin yubileyi ilə bağlı keçiriləcək tədbirlərin planı tərtib edilib.

Təqdim edilən vəsait  kitabxanaçılar, metodistlər, müəllimlər, ümumilikdə bütün istifadəçilər üçün nəzərdə tutulub. Vəsaitin sonunda Respublika Uşaq Kitabxanasının  fondu əsasında hazırlanmış ədəbiyyat siyahısı təqdim edilir. 

Metodik vəsait ilə tanış olmaq üçün qeyd olunan linkə daxil ola bilərsiniz: https://www.clb.az/biblioqrafik-xidm%C9%99t/elmi-metodika/metodik-vesaitler/2023/s-rq-d-biyyatinin-incisi-m-hs-ti-g-nc-vi