8 may tarixində F.Köçərli adına Respublika Uşaq Kitabxanasının 3 saylı filialının təşkilatçılığı ilə Qubadlı rayon Əliyar Əliyev adına Qəziyyan kənd tam orta məktəbində Ulu Öndər Heydər Əliyevin 100 illiyinə həsr olunmuş “Sən elə bir zirvəsən” adlı tədbir keçirilib. Məktəbin foyesində Ulu Öndər Heydər Əliyevin həyat və fəaliyyətinin müxtəlif dövrlərini əks etdirən sərgi nümayiş olunub .Tədbir Dövlət Himninin səsləndirilməsi, Ulu Öndərin və şəhidlərin xatirəsinin bir dəqiqəlik sükutla yad edilməsi ilə başlayıb.Tədbiri giriş  sözü ilə açan məktəbin tarix müəllimi Azərbaycan dövlətçiliyinin tarixində əbədilik qazanan, tariximizdə yeni parlaq səhifə açan nadir, fenomen, bənzərsiz dahi şəxsiyyət olan Ümummilli Lider Heydər Əliyevin mənalı həyat yolu, zəngin və çoxşaxəli irsinin Azərbaycan xalqı üçün tükənməz bir miras olduğunu söyləyib. Xalqımızın dahi lideri, bütün türk dünyasının görkəmli şəxsiyyəti Ulu Öndər Heydər Əliyevin beynəlxalq aləmdə yaxşı tanınmış və artıq öz sağlığında tarix yaradan və tarixə düşmüş nəhəng siyasətçi olduğunu söyləyərək, onun bütün həyatını xalqının azad, firavan, xoşbəxt rifahına, qüdrətli Azərbaycan dövlətinin yaradılmasına və inkişafına həsr etdiyini bildirib. Bütün türk dünyasının və Azərbaycanın dövlətçilik tarixinə nəzər salaraq, Heydər Əliyev kimi dahi şəxsiyyətlərin bir neçə əsrdən bir bəşəriyyətə bəxş olunduğunu və müstəqil, qüdrətli, qalib Azərbaycanın dünəni, bu günü və sabahında Heydər Əliyev möhürünün olduğunu bildirib. Daha sonra məktəblilərin ifasında “Sən elə bir zirvəsən” adlı mahnı səsləndirilib. Tədbirdə məktəblilərin ifasında Ümummilli Lider Heydər Əliyevə, vətənpərvərlik mövzusuna həsr olunmuş şeirlər və dünya liderlərinin söylədikləri maraqlı fikirlər səsləndirilib. Tədbir əbədiyaşar Heydər Əliyevin həyat və fəaliyyətindən bəhs edən videoçarxın nümayişi ilə başa çatıb. Sonda Respublika Uşaq Kitabxanası tərəfindəm məktəbin kitabxanasına  uşaq ədəbiyyatından nümunələr və “Göy qurşağı” jurnalı təqdim olunub.