4 may tarixində F.Köçərli adına Respublika  Uşaq Kitabxanası və “Səssiz Ünsiyyət – Jest Dilinin İnkişafına Dəstərk” İB-nin birgə təşkilatçılığı ilə  Bakı Kitab Mərkəzinin “Oxu saatı”  layihəsində tanınmış teleaparıcı Ceyhun Əli ilə 3nömrəli Respublika xüsusi internat məktəbinin şagirdlərinin görüşü baş tutdu.

 “Oxu saatı” nın qonağı eşitmə və nitq məhdudiyyətli uşaqlar üçün  ingilis yazıçısı və rəssam Çarli Makizinin “Oğlan, köstəbək, tülkü və at”  adlı kitabını oxuyub. Jest dili üzrə təlimçisi və tərcüməçi Şamil Sabirzadə nağılı asğlamlıq imkanları məhdud uşaqlar üçün jest dilinə tərcümə edib.Tədbirdə həmçinin digər oxucular və iştirakçı uşaqlar da “Oxu satının” qonağı olublar. Oxunan nağıl dinləyicilər tərəfindən maraqla qarşılanıb. 

Qeyd edək ki, tədbirin keçirilməsində əsas məqsəd sağlamlıq imkanları məhdud uşaqların cəmiyyətə tam və səmərəli inteqrasiyasını, informasiya əldə etmək və özlərini inkişaf etdirmək imkanlarını, o cümlədən, həmin uşaqlara mədəni xidmət göstərməklə sosial reabilitasiyalarını təmin etməkdir.