19 dekabr 2024-cü il  tarixində F.Köçərli adına Respublika Uşaq Kitabxanasının 2 saylı filialında filial əməkdaşları və 2 nömrəli Uşaq Gənclər İnkişaf Mərkəzinin birgə əməkdaşlığı ilə Naxçıvan Muxtar Respublikasının 100 illiyinə həsr olunmuş “Naxçıvanın görkəmli şəxsiyyətləri” adlı tədbir keçirilib, kitab sərgisi nümayiş olunub. Sərgidə Naxçıvanın tanınmış simalarından bəhs edən kitablar yer alıb. Kitabxana əməkdaşları və mərkəzin dərnək rəhbəri E.Əkbərova tərəfindən şagirdlərə, tarixən “Şərqin qapısı”, ”Nəqşi-cahan” adlandırılan Naxçıvanın tarixi keçmişi, adət-ənənələri, qədim və zəngin mədəniyyəti, memarlıq abidələri, ləziz mətbəxi, görkəmli şəxsiyyətləri haqqında məlumat verilib. 

Naxçıvan bizə Ulu Öndər H.Əliyev, Z.Əliyeva, C.Məmmədquluzadə, M.S.Ordubadi, H.Cavid, M.Araz, B.Kəngərli, Ə.Naxçıvani kimi görkəmli şəxsiyyətlər bəxş edib. Şagirdlərə Ümummilli Lider H.Əliyevin Naxçıvanın inkişafı üçün göstərdiyi əvəzsiz xidmətlərindən, Ə.Naxçıvaninin banisi olduğu tarixi-memarlıq abidələrindən bəhs olunub. Sonra Naxçıvan yazarlarının müəllifi olduğu əsərlərdən bir neçəsi müzakirə olunub, uşaqlar tərəfindən müxtəlif şeirlər səsləndirilib və onlar təşkil olunan kitab sərgisi ilə tanış olublar.