02.04.2025-ci il tarixində “2 Aprel-Beynəlxalq Uşaq Kitabı Günü” münasibətilə F.Köçərli adına Respublika Uşaq Kitabxanasının 2 saylı filial əməkdaşları tərəfindən S.Abdullayev adına 290 saylı tam orta məktəbdə “Nağılçı Andersenin nağıl dünyasına səyahət” adlı tədbir keçirilib, yazıçının kitablarından ibarət sərgi təşkil olunub. İlk öncə kitabxana əməkdaşları tərəfindən əlamətdar günlə bağlı məlumat verilib, videoçarx nümayiş olunub. H.X.Andersenin həyat və yaradıcılığına nəzər salınıb. Andersenin nağıllarının mövzu dairəsi çox geniş və əhatəli, əsərləri bir ədəbi möcüzədir. O, sehirlə məişəti bir yerdə uyğunlaşdırırdı. Uşaq ədəbiyyatı məhz Andersenin adı ilə başladı. Andersenin nağıllarını tək uşaqlar deyil, həm də böyüklər maraqla oxuyurlar.

Daha sonra müəllifin nağılları əsasında uşaqlarla diskussiya keçirilib, maraqlı sual-cavab təşkil olunub.

Beynəlxalq Uşaq Kitabı Gününün yaranma tarixini və H.X.Andersenin nağıllarını uşaqlara mənimsətmək tədbirin əsas məqsədi idi.