27-30 yanvar 2025-ci il tarixlərində Respublika Uşaq Kitabxanasına Abşeron rayonu Masazır kənd 6 nömrəli tam orta məktəbin və Ağabəy Novruzbəyli adına 46 nömrəli tam orta məktəbin şagirdlərinin eksursiyası təşkil olunub. Ekskursiya zamanı məktəblilər kitabxanada yeni uşaq ədəbiyyatı nümunələri ilə tanış olublar. Kitabxana əməkdaşları tərəfindən şagirdlərə pedaqoq, uşaq folklor antologiyasının banisi Firidun bəy Köçərlinin həyat və yaradıcılığı həmçinin, "Balalara hədiyyə” kitabı haqqında geniş məlumat verilib. Sonra məktəblilər müxtəlif janrda yazılan (nağıl, hekayə və s.) haqqında müzakirələr ediblər. Ekskursiyaya gələn ay yaşlı məktəblilərə ucadan oxumaq üçün müxtəlif maraqlı nağıl kitabları təqdim edilib, sinifdən xaric oxu üçün isə müxtəlif məzmunlu yeni uşaq ədəbiyyatları haqqında ətraflı məlumat verilib.
Sonda kitabxananın təsis etdiyi “Göy Qurşağı” uşaq jurnalı ekskursiya iştirakçılarına hədiyyə edilib.
Ekskursiyaların təşkil olunmasında əsas məqsəd uşaqları Respublika Uşaq Kitabxanasının zəngin kitab fondu ilə yaxından tanış etmək, onlarda mütaliə mədəniyyətini və kitaba olan marağı artırmaqdır.
