12 dekabr 2025-ci il tarixində Respublika Uşaq Kitabxanasında ümummilli lider Heydər Əliyevin anım gününə həsr olunmuş tədbir təşkil olunub. Tədbir Azərbaycan Respublikasının Dövlət Himninin səsləndirilməsi ilə başlayıb.

Tədbirin əvvəlində kitabxana əməkdaşı  ümummilli lider Heydər Əliyevin həyat və fəaliyyətinə, dövlətçilik sahəsində müstəsna xidmətlərinə, Azərbaycanın inkişafı, müstəqilliyimizin möhkəmləndirilməsi və milli-mənəvi dəyərlərin qorunması uğrunda gördüyü işlərə geniş şəkildə toxunub. Heydər Əliyevin xalqın qəlbində daim yaşayan lider olduğunu, onun ideyalarının bu gün də ölkəmizin tərəqqisinə uğurla xidmət etdiyini vurğulanıb.

Tədbir çərçivəsində Ulu Öndər Heydər Əliyevin həyat və fəaliyyətini əks etdirən kitablar və videoçarx da nümayiş olunub. Sərgidə dahi şəxsiyyətin dövlətçilik ideyalarını, siyasi irsini və həyat yolunu əhatə edən müxtəlif nəşrlər nümayiş etdirilib. Tədbir iştirakçıları sərgilənən kitablarla tanış olub, Heydər Əliyevin zəngin irsini özündə ehtiva edən videoçarx izləyiblər. 

Tədbirin keçirilməsində əsas məqsəd  ümummilli lider Heydər Əliyevin həyat və fəaliyyətini, dövlətçilik irsini və milli-mənəvi dəyərlərimizi gənc nəsillərə çatdırmaq, onun ideyalarının bu gün də ölkəmizin tərəqqisinə xidmət etdiyini nümayiş etdirməkdir.