14 yanvar tarixində   F.Köçərli adına Respublika Uşaq Kitabxanasının 3 saylı filialı və Binəqədi  rayonu H.Cəbrayılov adına 99 nömrəli tam orta məktəb birgə əməkdaşlıq çərçivəsində  “20 yanvardan başlanan yol” adlı tədbir keçirdi. 

Tədbir Azərbaycan Dövlət Himninin səslənməsi ilə başladı. Tədbirdə məktəblilər, Qarabağ veteranları, Binəqədi rayonu şəhid anaları komitəsindən  və kitabxanadan əməkdaşlar iştirak edirdi. Məktəbin foyesində 20 yanvar şəhidlərinə və eyni zamanda, Qarabağ şəhidlərinə həsr olunmuş fotostend və kitab sərgisi sərglənmişdi. Məktəblilərin ifasında “Şəhidlər” haqqında  mahnı və şeirlər səsləndi. Məktəbin tarix müəllimi, 20 yanvar hadisələrindən, azad olunan torpaqlarımızda şəhid olmuş vətən oğullarının qəhrəmanlıqlarından ətraflı danışdı. Tədbirin sonunda şagirdlərin ifasında “Qarabağ”, “Heyrati” səsləndi.