3 noyabr 2026-cı il tarixində F. Köçərli adına Respublika Uşaq Kitabxanasında 232 nömrəli tam orta məktəbin şagirdləri ilə uşaq yazarı Mehriban Nağıyevanın görüşü keçirilib.
İlk olaraq şagirdlərə kitabxana və uşaq ədəbiyyatı haqqında ətraflı məlumat verilib.
Daha sonra yazıçı Mehriban Nağıyeva “O sehrli söz” kitabını uşaqlara təqdim edib. Kitab haqqında maraqlı söhbət aparılıb, şagirdlər kitabdakı qəhrəmanlar haqqında fikirlərini bildiriblər.
Görüşdə uşaqlar yazıçı ilə səmimi söhbət etmək, onları maraqlandıran sualları vermək imkanı əldə ediblər. Tədbirin sonunda yazıçı ilə imza saatı baş tutub. Belə görüşlər uşaqların kitaba və mütaliəyə marağını artırır, onların dünyagörüşünün zənginləşməsinə kömək edir. Tədbir həm də uşaqlar üçün yazıçı ilə yaxından tanış olmaq və yeni biliklər qazanmaq baxımından maraqlı və yaddaqalan olub.





