12 oktyabr 2018-ci il tarixində Firidun bəy Köçərli adına Respublika Uşaq Kitabxanasının Yasamal rayon 1 saylı filialın əməkdaşlarının köməkliyi ilə Yasamal rayonu İlqar İbrahimov adına 167 saylı tam orta məktəbin IV b sinif şagirdlərinin kitabxanaya ekskursiyası təşkil olundu. Firidun bəy Köçərli adına Respublika Uşaq Kitabxanasının elmi işlər üzrə direktor müavini ekskursiyaya gələn uşaqlara və müəllimlərə kitabxananın adını daşıya Firidun bəy Köçərlinin həyat və yaradıcılığı, kitabxananın bütün şöbələri haqqında geniş məlumat verdi. Şagirdlər kitabxananın bütün şöbələri ilə tanış oldular, nağıl otağında nağıl saatında iştirak etdilər, kiçik oxu zalında kitablarla tanış oldular. Uşaqların əksəriyyəti kitabxanaya üzv olub, maraqlandıqları mövzularda kitablar seçib mütaliə etmək üçün götürdülər.