23–24 aprel tarixlərində F.Köçərli adına Respublika Uşaq Kitabxanasında 23 Aprel – Ümumdünya Kitab və Müəlliflik Hüququ Günü münasibətilə silsilə tədbirlər təşkil olunub. Tədbirdə Heydər Əliyev adına liseyin 10,187,144,211 nömrəli və Məmmədli kənd tam orta məktəblərin şagirdləri maarifləndirici görüşlərdə fəal iştirak ediblər.
Tədbir çərçivəsində şagirdlər yazıçı Gülzar İbrahimova və Elnarə Cahan ilə görüşərək onların yaradıcılığı, əsərlərinin ideya və mövzuları, həmçinin müəlliflik hüquqları barədə ətraflı məlumat əldə ediblər. Həmçinin, şagirdlərin oxu mədəniyyətinin artırılması, kitabların əhəmiyyətinin izah edilməsi və onların mütaliəyə marağının stimullaşdırılması məqsədilə müxtəlif interaktiv proqramlar və təqdimatlar keçirilib.
Bu cür görüşlərin keçirilməsində əsas məqsəd gənc nəslin kitaba, ədəbiyyata və yaradıcılığa marağını artırmaq, müəlliflik hüquqları ilə bağlı maarifləndirməni gücləndirmək və məktəblilərin intellektual-mədəni inkişafına töhfə verməkdir.
