12 noyabr 2026-cı il tarixində  Respublika Uşaq Kitabxanasında uşaq yazarı Reyhan Yusifqızı ilə məktəblilərin görüşü təşkil edilib.

Görüşdə 88, 164 və 292 nömrəli tam orta məktəblərin şagirdləri iştirak ediblər. Əvvəlcə şagirdlər  kitabxananın oxu zalında yazıçının kitablarından ibarət ənənəvi kitab sərgisi ilə tanış olublar. Fantastik hekayələr müəllifi Reyhan Yusifqızı kitab mütaliəsinin, təxəyyülün inkişafının və elmi-fantastik ədəbiyyata marağın əhəmiyyətindən danışıb. Onun “Yaşıl gözlü qız” və “Uzaq planetin sirri” əsərlərində müasir texnologiyalar, süni intellekt və macəra motivlərinin əks olunduğu diqqətə çatdırılıb.

Tədbir çərçivəsində şagirdlər yazıçının hekayələrindən nümunələr səsləndirib, maraqlı epizodları səhnələşdiriblər.  “Qapı arxasında O”     yeniyetmələr üçün yazılmış macəra-detektiv janrlı bədii əsər məktəblilərin marağına səbəb olub. Daha sonra uşaqlar yazıçının “Balaş” animasiya filmini izləyiblər.

Uşaq yazarı ilə səmimi  keçən görüşdə məktəblilər yazıçı ilə ünsiyyət qurub, ona ünvanladıqları suallara cavab alıblar. Tədbirin sonunda  imza saatı keçirilib.

Belə görüşlərin keçirilməsi məktəblilərin mütaliəyə marağının artırılması, uşaq ədəbiyyatının təbliği və gənc nəslin yazıçılarla birbaşa ünsiyyətinin təşviqi baxımından mühüm əhəmiyyət daşıyır.