Tədbirin səkilləri
11 iyun tarixində F.Köçərli adına Respublika Uşaq Kitabxanası 2016-cı il – “Multikulturalizm İli”nə həsr olunan “Uşaq Kitab Karvanı Şimal bölgəsində” səyyar kitab sərgilərini Siyəzən rayonunda davam etdirdi. Uşaq Kitab karvanını Siyəzən rayon Mərkəzi kitabxanası qarşıladı. Tədbirdə Siyəzən rayon Mədəniyyət və Turizm Şöbəsinin müdir əvəzi Rəhim Bağırov, İcra nümayəndəliyindən Aqil Əbdülov, şair Nəcməddin Mürvətov, Səfər Bağırov, Firdovsi Hacıyev, Təhsil, Mədəniyyət və Turizm şöbəsinin əməkdaşları, məktəblilər iştirak edirdi. Uşaqlar tədbirdə öz sevimli yazıçıları – Sevinc Nuruqızı, Reyhan Yusifqızı, Zahid Xəlil, Gülzar İbrahimova ilə görüşdülər. Maraqlı keçən tədbirdə uşaqlar Azərbaycana, ulu öndərə, kitab, vətənə aid şeirlər söylədilər. Tədbirdən sonra uşaqlarla “Ən yaxşı nağıl bilicisi” adlı müsabiqə keçirildi. Müsabiqədə daha çox xal qazanan oyunçu- qalib müəyyən edildi, “Nağıl bilicisi” medalını Siyəzən rayon 1 saylı məktəbin VI sinif şagirdi Hümbətova Gülər qazandı. F.Köçərli adına Respublika Uşaq Kitabxanasının direktoru Şəhla xanım qalibə kitabxananın təsis etdiyi “Göy qurşağı” uşaq jurnalının bir il pulsuz hədiyyə olaraq veriləcəyini bildirdi. Digər fərqlənən iştirakçılara da kitabxana tərəfindən hədiyyələr verildi. Tədbirdə uşaqlar yazıçılarla sıx təmasda oldular, onları maraqlandıran suallara cavab aldılar. Tədbir kitab sərgilərinin nümayişi ilə başa çatdı. F.Köçərli adına Respublika Uşaq Kitabxanası 1000 nüsxədən çox kitab bağlamalarını Mərkəzləşdirilmiş Kitabxana Sisteminin direktoru Şəfiqə Arzudovuma hədiyyə etdi.
Hədiyyə kitabları içərisində azsaylı xalqların mədəniyyətini özündə əks etdirən uşaq ədəbiyyatı nümunələri də var idi.
Bütün xəbərlər
 |
 |
|
|
|
|
|
|
|
|
|
|